Reals Madrid ihejeje gukina urukino rwanyuma rw’indwi ya 38 mwihiganwa rya Laliga, urwo rukino rukaba gwaheze Real Madrid itsinze ibitsindo 2-0 umurwi wa Real Sociedad ibitsindo 2 vyinjijwe na Kylian Mbappé.
Kylian Mbappé inyuma yo gutsinda ibitsindo 2 murukino yatowe nk’umukinyi yaranze urukino.
Kylian Mbappé muri Real Madrid kugeza aka kanya amaze gitsindira unomurwi ibitsindo 43 kuri sezo yiwe yambere, akaba akwije ibitsindo 31 mwihiganwa rya Laliga ninawe amaze gutsinda ibitsindo vyinshi kuko uwumukwirikira ni Lewandowiski afise ibitsindo 25, Kylian Mbappé agiye gutahukana agashimwe k’ikirato c’inzahabu gahabwa umukinyi yatsinze ibitsindo vyinshi kumugabane wa Buraya, kiretse Mohamed Salah kurukino rwejo rusozera ihiganwa rya Premier league Liverpool izokina na Crystal Palace atsinze ibitsindo 4 niho Mbappé yobura ako gashimwe.
Inyuma y’urukino Real Madrid yaboneyeho akaryo ko gusezera abakinyi 2 Luka Modric na Lucas Vasquez bagiye gusohoka uwomurwi hamwe n’umumenyereza Carlo Ancelotti, ibirori vyaranzwe n’amarira kubaunzi ba Real Madrid hamwe nabo ubwabo kuba bavuye muri Real Madrid.
